Танилцуулга
Ger Smart - Ухаалаг гэр тайван бас тухтай
Манай веб сайтад зочлохыг хүсвэл дараах холбоосоор зочлоорой: https://gersmart.mn/
Манай ухаалаг бүтээгдэхүүнүүдийг сонирхохыг хүсвэл дараах холбоосоор зочлоорой: https://mall.gersmart.mn/
Facebook page: https://www.facebook.com/gersmartapp/
Instagram page: https://www.instagram.com/gersmartapp/
YouTube channel: https://www.youtube.com/channel/UCy3PdeyM-jFCfptSDj3c4Jg
iOS аппликейшн татах холбоос: https://apps.apple.com/us/app/ger-smart/id1596047407
Android аппликейшн татах холбоос: https://play.google.com/store/apps/details?id=com.iot.gersmart1
Сэдэл
Бид инженер суурьтай, харилцаа холбооны чиглэлд 10 гаруй жил ажилласан туршлагатай хүмүүс л дээ. Ихэвчлэн технологийн судалгаа шинжилгээн дээр ажилладаг байсан учраас IoT-ийн (Юмсын интернэт хэмээн орчуулж болох) талаар эртнээс сонсож, судалж ирсэн. Өндөр хурдны интернэт буюу 5G сүлжээний гол хэрэглээ нь метаверс болон IoT байх төлөвтэй байна. Үндсэндээ дижитал эрин зууны ирээдүйн чиг хандлага гарцаагүй энэ тийш чиглэхийг мэддэг, сонирхдог байсан нь бидний компаниа байгуулж, "Ger Smart"-ыг эхлүүлэх сэдэл болсон юм. Үүнд "MStars"-аас зарласан хурдасгуур хөтөлбөр ихээхэн нөлөөлсөн бөгөөд энэ нь биднийг уг ажилдаа бүтэн цагаар төвлөрөх боломжийг олгосон. Машин сургалт (machine learning), хиймэл оюун ухаан (AI) ашиглан хүнээ таньж, хийх үйлдэл, хэрэгцээт зүйлсийг автоматаар тооцоолон ухаалгаар ажиллах зориулалттай энэ технологи бүтээмжийг нэмэгдүүлж, зардлыг багасгаж, аливаа осол гэмтэл, болзошгүй эрсдэлээс хамгаалахад бүх л салбарынханд үлэмж хэмжээгээр тусалж чадна..
Ялгарал
IoT-г хөгжингүй орнууд салбар бүрийн онцлогт тохируулан ялгаатай хөгжүүлж буй. Хөдөө аж ахуй, хүнс, эрүүл мэнд, хувцас хэрэглэл, үйлдвэрлэл зэрэг олон салбарт хөгжүүлж байна. Бид эхний ээлжид IoT-ийн "home optimization" буюу гэрийн автоматжуулалтын системийг өдөр тутмын амьдрал, гэрийн хэрэглээнд нэвтрүүлэхээр ажиллаж байгаа юм. Ингэснээр цар тахлын үед болон цаашдаа ямар нэг товч, гадаргууд хүртэлгүйгээр орцонд орох, цахилгаан шатаа дуудаж, буух давхартаа очиж болохоос гадна, гэрийн дотоод орчин хүний ирж, явж байгаагаас шалтгаалан идэвхтэй, идэвхгүй горимд автоматаар шилжинэ гэсэн үг. Өөрөөр хэлбэл, хэрэглэгч IoT-г гэрийнхээ нэг хэсэг болгосноор индүүгээ салгасан эсэх цонхоо хаасан билүү зэрэг хэзээ ч дуусдаггүй сэтгэл зовнисон асуудлуудаа хялбараар шийдэх боломжтой. Түүнчлэн гэрийн эзэн байхгүй үед ажиллах шаардлагагүй цахилгаан хэрэгслүүдийн зарцуулалтыг хянаж, удирдах боломжтой тул санхүүгийн хувьд бодит хэмнэлт болно. Утасны нэг аппликейшн ашиглан харих цагаа дөхүүлэн халаалтаа асаах, ус буцалгах зэрэг үйлдлүүдээ зайнаас хийж болох нь зуслангийн байшинтай хэрэглэгчдэд ихэд таалагддаг. Бидний хувьд хамгийн хямд, бүтээмжтэй шийдлийг захиалагчтай хамтран боловсруулж, борлуулалтын дараах үйлчилгээг хариуцлагатай үзүүлэн, нягт хамтран ажиллахыг нэн тэргүүнд чухалчилдаг..
Утас: 77779992
Last updated
