🚭Ухаалаг утаа мэдрэгч

1. Video заавар

2. Текст заавар

Алхам 1. Ger Smart аппликейшн руу орж нүүр хуудасны баруун дээд буланд байрлах Нэмэх товчийг дарна. Гарч ирэх сонголтоос Төхөөрөмж нэмэх цэсийг сонгоно. Зураг 1, 2-т үзүүлэв.

Төхөөрөмж нэмэхээс өмнө таны гар утас WiFi сүлжээнд холбогдсон байх шаардлагатай. Мөн Bluetooth холболтоо асаагаарай.

Алхам 2. Төхөөрөмжүүдийг илрүүлж байна ... хэсэгт төхөөрөмж автоматаар гарч ирсний дараа Нэмэх товчийг дарна. Зураг 3-д үзүүлэв.

Төхөөрөмжүүдийг илрүүлж байна ... хэсэгт төхөөрөмж автоматаар гарч ирэх тул та түр хүлээнэ үү.

Зураг 1. Ger Smart апп-ын нүүр хуудас

Зураг 2. Төхөөрөмж нэмэх цэс

Зураг 3. Төхөөрөмж нэмэх дэлгэц

Алхам 3. WiFi холболт хийх дэлгэц гарч ирнэ. Зураг 4-д үзүүлэв. Хэрэв таны Wi-Fi 2.4GHz бол Нууц үг хэсэгт нууц үгээ оруулж Дараах товчийг дарна.

Хэрэв таны WiFi 5GHz бол 2.4GHz болгож тохируулна уу. Ингэхдээ одоо холбогдсон байгаа WiFi сүлжээг салгаж 2.4GHz Wi-Fi сүлжээг сонгож нууц үгээ оруулна.

Алхам 4. Төхөөрөмж автоматаар нэмэгдэж эхэлнэ. Зураг 5-д үзүүлэв. Уншиж дууссаны дараа төхөөрөмжийн нэр болон байршлыг сольж Болсон товчийг дарснаар (Зураг 6) төхөөрөмж нэмэгдэж дуусна.

Зураг 4. WiFi холбох дэлгэц

Зураг 5. Төхөөрөмж нэмж буй дэлгэц

Зураг 6. Төхөөрөмжийн нэмж дууссаны дараах дэлгэц

Утаа мэдрэгчийн нэрийг өөрчлөх

Зураг 7. Улаан дөрвөлжин хэсэгт харуулсан төхөөрөмжийн нэрийг солих товч нь дарж төхөөрөмжийн нэрийг өөрчилнө

Зураг 8. Төхөөрөмжийн нэрийг өөрчлөх хэсэг

Ухаалаг утаа мэдрэгч ашиглах заавар

Зураг 9. Төхөөрөмжийн нэмэгдсэн байдал

Зураг 10. Төхөөрөмжийн үйлдлүүд

Зураг 11. Төхөөрөмжийн мэдэгдэл ирсэн байдал

Зураг 9-д төхөөрөмж амжилттай #GerSmart апп-д нэмэгдэж ашиглахад бэлэн болсон байна.

Зураг 10-д Утаа мэдрэгч төхөөрөмжийн үйлдлүүдийг харуулж байна. Үүнд:

• Normal - Төхөөрөмжийн төлөв буюу утаа мэдрэгч төхөөрөмж хэвийн ажиллаж байгааг харуулж байна.

  
• Record - Төхөөрөмжийн утаа мэдэрсэн үеийн бүртгэлийн харуулж байна. Record хэсэгт нэг удаа дарж орон утаа мэдэрсэн үеийн бүртгэлийн дэлгэрэнгүй мэдээллийг үзэх боломжтой.
• Smart - Ухаалаг хоршил, автоматжуулалтын үйлдлүүдийг хийх боломжтой.

  
• Set - Утаа мэдрэгч төхөөрөмжийн тохиргооны хэсэг

  

Утаа мэдрэгч тохиргоо

1. Set сонголтын Tamper_alarm хэсэгт утаа мэдрэгч хэвийн ажиллаж байгаа харах боломжтой.
2. 

   Set сонголтын Battery level state хэсэгт төхөөржийн батарей ашиглалт ямар түвшинд байгааг харна. Low - Бага буюу 20% доош, батарейг солих шаардлагатай, Medium - Батарей ашиглалт дунд буюу 50%, High - Батарей ашиглалт сайн буюу 90% дээш.

3. Set сонголтын Disassembled alert хэсэгт
4. Set сонголтын Power Low Alert хэсэгт төхөөрөмжийн батарей Low буюу бага түвшинд очсон үед #GerSmart апп-д мэдэгдэл өгөх сонголтыг идэвхжүүлэх тохиргооны сонголт. Төхөөрөмж үйлдвэрийн горимдоо уг тохиргоо автоматаар идэвхжсэн байдаг. Хэрэв уг тохиргоог идэвхжүүлээгүй байвал төхөөрөмж батарей багассан үед батарей багассан талаарх мэдэгдэл илгээхгүй байхыг анхаарна уу.
5. Set сонголтын Alarm Alert хэсэгт төхөөрөмж ямар нэг утаа мэдэрсэн үед #GerSmart апп-д мэдэгдэл өгөх хэсгийн тохиргооны сонголт. Төхөөрөмж үйлдвэрийн горимдоо уг тохиргоо автоматаар идэвхжсэн байдаг. Хэрэв уг тохиргоог идэвхжүүлээгүй байвал төхөөрөмж утаа мэдэрсэн үед мэдэгдэл илгээхгүй байхыг анхаарна уу.

Төхөөрөмж #GerSmart апп-аасаа устгах

Зураг 12. Нүүр хэсэг

Зураг 13. Төхөөрөмж устгах хэсэг

Зураг 12-т үзүүлснээр "Нүүр" хэсэгт байрлах утаа мэдрэгч төхөөрөмж дээр 4-5 секунд удаан дарахад төхөөрөмж устгах хэсэг рүү автоматаар шилжих ба устгах төхөөрөмжөө Зураг 14-д үзүүлснээр сонгон Төхөөрөмж устгах товчийг дарснаар төхөөрөмжийг устгана.

Төхөөрөмжийг устгасны дараа төхөөрөмж анхны горимдоо шилжих бөгөөд Алхам 1-с дахин эхлэн #GerSmart аппликейшнд нэмэн төхөөрөмжөө ашиглаарай :D